NAMMINERSORTUNNGORNERMUT TUNNGAVIIT
- Angerlarsimaffiup avataanut inissiinissanut pinaveersaartitsinerni nuna tamakkerlugu suleqataarusunneq
- Meeqqanik inuusuttuaqqanillu sullissisarnernik katsorsaasarnernillu nuna tamakkerlugu ineriartortitseqataarusunneq
- Inuiaqatigiinni inuit atugaannik pitsanngorsaaqataarusunneq
ILINNIAGAQARNIKKUT TUNULIAQUTAQ
INUNNIK ISUMAGINNINNERMI SIUNNERSORTI SOCIALRÅDGIVER / PSYKOTERAPEUT
2016-mi Ilisimatusarfimmi socialrådgiverinngorpunga (BA). Ukiuni 8-ni Sisimiuni Ilaqutariinnik Kiffartuussivimmi atorfeqarnikuuvunga.
2024-mi certificeret psykoterapeutinngorpunga.
SULINERMI MISILITTAKKAT
Angerlarsimaffimmi siunnersortiuneq
Ilaqutariit qanimut tikillugit ulluinnaanni tapersersuineq ineriartortitsinerlu
Socialrådgiveritut sulineq
Ataasiakkaanik eqimattanillu oqaloqatiginninnerit, akimortumik suleqateqarnerit, suliniutinik ingerlatsinerit pikkorissaanerillu
Ilaqutariinnik Kiffartuussivimmi aqutsisutut sulineq
Immikkoortortanut arlalinnut sulisunillu aqutsisuuneq. Ilaqutariinnik meeqqanillu katsorsaanernik inerisaaneq, angerlarsimaffiup avataanut inissitsaaliuinermik inerisaaneq, illoqarfimmi pinaveersaartitsinermut suleqataaneq
Pikkorissaanerit
- Angajoqqaanut - Inulerisunut -Tarnikkut ikiueqqaarnermut - Nalunaartussaatitaanermut - il.il.
Pinngortitami angallassinerit
Meeqqanik inuusuttuaqqanillu ulluni arlalinni pinngortitami pisoqateqarnerit, misigisassarsiortitsinernik katsorsaanernillu siunertallit
Tarnikkut ikiueqqaarneq
Tassanngaannaq sakkortuumik pisoqartillugu ataasiakkaanik eqimattanillu tarnikkut ikiueqqaarneq
ILAQUTARIITTUT PAARSISARTUUNEQ
Ukiuni tallimani Qeqqata Kommuneani Ilaqutariittut paarsisartuunikuuvunga. Paarsisartuunermi misigissutsikkut pissarsiassartai unammillernartortaalu nalunngilluarpakka. Ilaqutariit paarsisartut meeqqallu inissitat atugaannik pitsanngorsaaqataanissaq siunertama ilagivaat.
TUNNGAVIIT
PINGAARTITAKKA
- Inuup aqqutigerusutaminut sakkussani pigereertarai upperaara, ersarissarnissaanut ikiuisinnaavunga
- Ilaqutariit tamarmik nukittuffeqarnerannik eqqarsariaaseqarluni ineriartortitsinissaq pingaartippara
- Inuiaqatigiittut inuttullu ataasiakkaatut atukkatta pitsaasuunissaannut nammineq akisussaassuseqarnerput pingaartippara
